Степанов Н.И.-Ноорой

НИКОЛАЙ ИВАНОВИЧ СТЕПАНОВ-НООРОЙ

(1897-1975)

Назад

1897 с. ыам ыйын 20 күнүгэр Мэҥэ Хаҥалас улууһун Хара нэһилиэгэр дьадаҥы бааһынай дьиэ кэргэнигэр төрөөбтэ. Ворошилов аатынан холкуоска тимир ууһа. 1937 с. – стахановец. 1935 с. олоҥхо куруһуогун тэрийбитэ уонна өрөспүүбүлүкэ хас да оройуонугар, Дьокуускайга Саха драмтеатрыгар олохолору туруорар, бэйэтэ сүрүн оруолларга оонньообута. Саха сиригэр олоҥхону киэҥник тарҕаппыт бастакы киһинэн буолар. 9 олоҥхону  оҥорбут: «Оҕо Ньургун», «Ала Туйгун», «Күн Эрили», «Бэриэт Бэргэн», «Улдьаа Боотур», «Түҥнэри Холорук», «Айталы Куо», «Одунча Бөҕө», «САбыйа Баай, Айыы Салаҕай». Элбэх сахалыы ырыалары-тойуктары айбыта, үһүйээннэри-номохтору суруйтарбыта. Олор 6 кинигэ5э түмүллэн тахсыбыттара. Уопсай 80-ча ырыаны-тойугу айбыта.

1942 с. 44 саастааҕар Кыһыл Аармыйаҕа ыҥырыллан сэриигэ барбыта. Молотов куораттан Уралга, Свердловскга илдьэллэр, онно биир ый сэрии сэбин үөрэтиинэн дьарыктанар, чуолаан, илии пулеметчигынан идэтин баһылыыр. Пулеметунан бэргэнник ытарга, таба туһанарга ситиһиилээхтик үөрэммитэ. 1942 с. сэтинньи ыйтан өстөөҕү кытта харысхала суох хорсуннук сэриилэспитэ. Онно биир кыргыһыыга өстөөх буулдьата уҥа өттүнэнн көхсүн хараҕынан дьөлө көтөн тахсан ыараханнык бааһырбыта. Хас да эмтэнэн баран, инбэлииккэ тахсан, 1943 с.  сайнйгар дойдутугар «Хорсунун иһин» мэтээллээх эргиллэн кэлбитэ.

Сэрииттэн кэлэн , холкуос бэрэссэдээтэлин солбуйааччынан, кэлин сүөһү пиэрмэтин сэбиэдиссэйинэн, ону сэргэ араас уопсастыбаннай лэлэргэ күүһүн-уоҕун барытын биэрэн үлэлээбитэ. 1975 с. тохсунньу 6 күнүгэр өлбүтэ.

Сэрии туһунан сүрүн айымньылара, кинигэлэрэ:

  •  Ыһыах ырыата. Хоһоон, 1945 с.
  •  Кэҕэ: Хоһооннор, 1946 с.

КИНИ ТУЬУНАН ААХ:

Буойун суруйааччылар 1941-1945 /хомуйан оҥордо: С.Ф. Константинова.-Дьокуускай: Бичик, 2020.-50 с.

Обновлено: 11.05.2022 — 03:55

Добавить комментарий

Ваш адрес email не будет опубликован.