4.4. П.А. Ойуунускай кэргэттэрэ. Семья П.А. Ойунского
Бастакы кэргэнэ
Ойуунускай бастакы кэргэнэ Хоочугурдааҕы кытары чугас ыаллыы олорбут Тэлэгэччийэ Өлөксөй (Сокольников) диэн аҕалаах, алта оҕолоох ыал, биир маанылаан улаатыннарбыт кыыстара Сүөкүччэ диэн этэ. Кинилэр ис сүрэхтэриттэн таптаһан холбоспут буоланнар олохторун олус эйэлээхтик, дьоллоохтук саҕалаан иһэн Сүөкүччэ сэллик ыарыыга ылларан, бэрт эдэркээн сааһыгар ииннэммитэ. Сүөкүччэҕэ анаан маннык хоһоону суруйбута.
До5орбор Сүөкүччэҕэ.
«Киниттэн матаммын
Күннэрим көрбөтө…
Кимнээҕим кэлээхтээн
Кинини төннөрүөй?
Кинини кууһаммын
Талбааран сыттарбын!!!
Кинини уурааммын
Убайан өллөрбүн!!!»
Бу хоһоону А .Сендык нууччалыы тылынан бөрөбүөттээбитэ.
Иккис кэргэнэ
Мэӊэ-Хаӊалас кыыһа, аатырар кыһыл партизан Халлааскы Бөтүрүөп тобулута кыр-баан, өлөрө сыыһан араарбыт дьахтара, Татьяна Дмитриевна Александрова. Кинилэр алта сылы кыайбат кэм устата дьоллоохтук олорбуттара. Татьяна Дмитриевна 1929-30 сс. диэки сэллик ыарыынан ыалдьан кыра оҕотунуун утуу-субуу өлбүттэрэ. П.А. Ойуунускай кэргэнигэр “Сырдык ньуурдаах Туйаарыма Куо” айымньыны анаабыта. Бу музыкальнай драма Дьокуускай театрыгар олунньу 16 күнүгэр олоҥхо туруоруллубута.
Оҕолорун ийэлэрэ– Акулина Николаевна Борисова-Ойунская
Былатыан Ойуунускай сэтинньи ый 6 күнүгэр 1930 сыллаахха үһүс төгүлүн кэргэн Акулина Николаевна Борисованы ылар. Кини Былатыаҥҥа түөрт оҕону бэлэхтиир, ол гынан баран икки оҕолоро кыра саастарыгар өлбүттэр. Октябрина алта ыйыгар, Платонида диэн оҕолоро биир сааһыгар. Кинилэр Саргылана уонна Сардана диэн кыргыттарын таһынан Акулина Николаевна бастакы кэргэниттэн Мария диэн кыыһын ииппиттэрэ. Акулина Николаевнаҕа Былатыан Ойуунускай «Бу уоттаах бакаалы» хоһоону аныыр.
Арай киниэхэ Өкүүчэ
Дьолу кылам гыннарар,
Олох ситимэ буолар
Икки кыыһы төрөтөр-
Саргылаана…Сардаана…
Сардаана Ойунская.
Былатыан Ойуунускай оҕолоро.
Саргылаана Платоновна
Улахан кыыһа Саргылаана 1931сыллаахха Москваҕа төрөөбүтэ . Киниэхэ анаан аҕата маннык хоһоону айбыта
Мин оҕом-Лаанык кыыс,
Күндү кыыс, көмүс кыыс,
Туллукчаан,
Туорахчаан,
Куустахха, ыллахха, дьэ ордук ымастар,
Кугасчаан төбөтүн, абыраан сыллатар…
П.А. Ойуунускай бастакы оҕотугар Саргыланаҕа «Татыйык ыллыыра» хоһоону анаабытын Христофор Максимов ырыа гынан өргө диэри ыллаабыта.
Саргылана Платоновна отуттан тахса сыл сибээскэ, телефонистканан, телеграфистканан үлэлээбитэ, кэргэннэммэтэҕэ, 60 cааһыгар өлбүтэ.
Иккис кыыһа-Сардаана
Сардаана Платоновна Ойунская 1934 сыллаахха Москваҕа төрөөбүтэ, кэргэннээх, үс оҕолоох, сиэннэрдээх, филологическай наука кандидата, «Саха таабырыннара» диэн научнай үлэтэ, кинигэ буолан бэчээттэммитинэн биһиги туһанабыт .
Кэргэнэ Сергей Петрович Соловьев, инженер-механик идэлээх, техническэй наука кандидата. Сардаана Платоновна аҕатын аатын үйэтитэн «Аҕам сырдык аата» диэн кинигэни икки төгүллээн таһааттарбыта.
П.А. Ойуунускай сиэннэрэ
Платон — 1961 сыллаахха төрөөбүтэ, кэргэннээх, Сардаана диэн кыыстаах.
Мария — 1962 сыллаахха төрөөбүтэ, ХИФУ ФЛФ преподавателэ .
Лина — английскай тыл үөрэхтээҕэ, кэргэннээх, Платон диэн уоллаах.
Библиография
306.С. Ойунская Аҕам сырдык аата: Поэмалар, эссе, ыстатыйалар уонна ахтыылар.-Дьокуускай: Бичик, 2003.-336 с.
307. Сырдыгынан сыдьаайан… ахтыылар/ [хомуйан оҥордулар Д.Е. Васильева, Л.Н. Романова].-Дьокуускай:Бичик, 2008.-144 с.
