АММА АЧЧЫГЫЙЫГАР
И. Гоголев
Эн, Амма Аччыгыйа,
Алҕаһаан эттим, кэбис,
Аччыгый диир сымыйа,
Эн, Ньукулай Дьөгүөрэбис-
Сэттэ уон күөх муораны
Нөҥүө көппүт хотой кыылгын.
Кыра, чуумпу балаҕан
Иhигэр иитиллибитин,
Сахан сирэ кыараҕас
Албан ааккар билигин.
«Сынньалаҥҥа» диэн сэһэҥнин
Суруйаргын даҕаны эн,
Күүстээх айар үлэттэн
Сынньал ыла иликкин.
«Сааскы кэмтэн» саҕаламмыта
Саха эдэр романын
Сааскы чэбдик сарсыардата.
Хас бөһүөлэк ыалын аайы
Корчагинныын сэргэстэhэн
Киирэр сэмэй Лэглээрин,
Үлэ-хамнас киhитиниин.
Отчут от отуутугар,
Булчут сэргэх үүтээнигэр,
Ученай остуолугар
Күндү ыалдьыт эн кинигэҥ.
Ааҕааччыларын ааттарыттан
Этэбин аар кырдъанаспар:
«Норуот таптыыр суруйааччыта»,
Хагдарытыа суоҕа толуу
Олонхобут толоонугар
Эн үүннэрбит аал луук маскын,
Чулуу эдэр суруйааччылар
Ыллыннар эн алгыскын.
Мин үөрэбин биири санаан:
Эн курдук «аччыгыйдаах»
Литература бу улахан
Литература буолуохтаах.
Ньукулай Дьөгүөрэбис,
Саҥалары айаары
Эн эдэрдии илгэн кэбис
Сааскы кэмтэн өрүүтүн
Күүтэбин нүөл сайыҥнын,
Эн үүнүүлээх күһүҥҥүн,
Барҕа баайдаах кыһыҥҥын!
