Назад
ТЫГЫН СЫЛА
Сысоева Р.П.
Былыргыттан быстыбат
Быдан үйэлэртэн
Өрдөөҕү өбүгэлэрбит
Өлбөт-сүппэт өйдөбүлүн
Өйдүү-саныы сылдьарга
Тыгын сылын биллэрдилэр.
Тылбытын тыыннаах хаалларар
Тыллан тахсар амалыыр үлэни
Тыгын Дархантан тардыһан
Түмсэн тарҕатан ыытыаҕыҥ.
Өбүгэ үгэһин утумнаан,
Өрдөөҕүнү өйдөтөн,
Кэлэр кэмҥэ туһаайан
Кэскиллээх үлэни тэрийсиэҕиҥ.
Сүдү дьоммут олохторун
Сүтэрбэккэ сүһэн ылан,
Сүрүнээн, дириҥэтэн
Сөргүтүөҕүҥ, тилиннэриэҕиҥ.
Ытык дьоммут алгыстарын,
Ыйан биэрэр суолларын
Ытык ыйаах оҥостон
Ыпсарыаҕыҥ ылбыт сорукпутун.
Тыгын тыына тылыннын
Хас биирдиибит сүрэҕэр,
Хаҥыл Хаҥалас хааммытыгар
Хамсаатын халыҥ аймах түмсүүтэ.
Сах саҕаттан саҕыллыбыт
Саргыны салайар талааммытын
Салайан, сайыннаран иһиэҕиҥ,
Ыйар, сирдиир, бытыһыннарар
Бастыҥ дьоммутун ойүөҕүҥ.
Түҥ былыргыттан түмсэргэ
Төрүт удьуор төрүттэрбит,
Түҥнэстибэт төлкөлөөбүттэр,
Төлөрүйбэт ыйаахтаабыттар.
Үүнэр ыччат үтүгүннүн,
Үгүһү, үйэлээҕи оҥордун,
Тыгын тыына салҕаннын,
Тыллан тарҕана туруохтун.
//Айар тылбыт оһуора: [хомуурунньук] / [хомуйан оҥордо Л.Н. Колесова.-Дьокуускай: Дани-Алмас, 2019.-С.83-84