Викторина Олонхо

Назад

ОЛОҤХО ТУҺУНАН ТУГУ БИЛЭБИТ?

  1. Олоҥхо диэн биһиги тугу ааттыыбытый? (Олоҥхо диэн дуолан бухатыырдар охсуһууларын, быһылааннаах, мүччүргэннээх сырыыларын хоһуйар норуот тылынан айымньытын саамай улахан, бөдөҥ эпическэй көрүҥэ).
  2. Олоҥхоһут, сурукка-бичиккэ сурулларынан, бастакы бэйиэт, саха норуотун национальнай геройа. Кимий? (Манчары Баһылай).
  3. Олоҥхоһут суруйааччылары ааттаталаа. (П.А. Ойуунускай, С.С. Яковлев-Эрилик Эристиин, В.М. Новиков-Күннүк Уурастыырап, С.С. Васильев-Бороҕоонускай, М.Н. Доҕордуурап).
  4. Суруйааччылар союзтарыгар киирбит олоҥхоһуттары кимнээҕи билэҕин? (1)Николай Алексеевич Абрамов-Кынат, 2)Иннокентий Иванович Бурнашев-Тоҥ Суорун, 3)Дмитрий Михайлович Говоров, 4)Сергей Афанасьевич Зверев-Кыыл Уола, 5)Екатерина Егоровна Иванова,6) Егор Герасимович Охлопков,7) Платон Саввич Семенов,8) Николай Иванович Степанов- Ноорой, 9)Василий Федоров-Манчаары, 10)Михаил Терентьевич Шараборин-Кумаарап, 11)Прокопий Прокопьевич Ядрихинскай-Бэдьээлэ).
  5. Толорор дьоҕурдарынан олоҥхоһуттары ханнык бөлөхтөргө арааралларый? (Импровизатор-олоҥхоһуттарга уонна үтүктэн толорооччуларга).
  6. Омоҕой уонна Эллэй туһунан номоххо олоҕуран телевизионнай киинэ уһуллан турар. Ол киинэ аата? («Родина Олоҥхо»).
  7. «Олоҥхо дойдута » диэн музейы ким уонна ханна төрүттээбитэй? (Ким Кампеевич Колесов Чурапчыга Болтоҥо нэһилиэгэр 1997 c. саха ыала былыр-былыргыттан хайдах тэринэн-оҥостон олорон кэлбитин көрдөрөр сыалтан, дьиэтин-уотун бэйэтэ тутан, экспонаттарын бэйэтэ оҥорон төрүттээбитэ).
  8. Олоҥхоһут уонна ырыаһыт Константин Григорьевич Оросин элбэх политссыльнайдары кытта доҕордоһоро, кинилэр көмөлөрүнэн элбэххэ үөрэммитэ. 1895 с. Олоҥхолору уонна остуоруйалары суруйарыгар анаан сахалыы бастакы тылдьыты оҥорбут киһи киниэхэ анабыл суруктаах уопсай тэтэрээт бэлэхтээбит. Ол кимий? (Эдуард Карлович Пекарскай).
  9. Биһиги үйэбитигэр тиийэн кэлбит, олохторун тухары анал стипендия ылар Ийэ олоҥхоһуииары ааттаа. (92 саастаах Дарья Андреевна Томская (Дьааҥы улууһа, Эһэ нэһилиэгэ)уонна 76 саастаах Петр Егорович Решетников (Таатта улууһа, Чөркөөх нэһилиэгэ).
  10. Олоҥхоҕо анаммыт 30 хартыыналаах худуоһунньук-олоҥхоһут диэн кими ааттыылларый?(Саха народнай худуоһунньуга Тимофей Андреевич Степанов).
  11. «Дьулуруйар Ньургун Боотур»олоҥхо авторынан билигин дьон үксэ П.А. Ойуунускайы билэллэр. Ол гынан баран историяҕа, литератураҕа биллэринэн өссө биир олоҥхоһут «Дьулуруйар Ньургун Боотур»диэн олоҥхону айан хаалларбыт эбит. Ол кимий?(Константин Григорьевич Оросин).
  12. Бу олоҥхо ханнык тылларга тылбаастаммытый билэҕин? (английскай, нуучча, словацкай,француз, эбээн тылларынан).
  13. П.А. Ойуунускай «Дьулуруйар Ньургун Боотур» олоҥхотун ким уонна хаһан нуучча тылыгар тылбаастаабытай? (1937 с. олоҥхо маҥнайгы ырыатын автор тыыннааҕар Ленинград профессора Сергей Александрович Поляков тылбаастаабыт (1993 с. Саха сирин Научнай Киинин архыыбыгар булбуттар). Үлэ салгыы барыаҕын, репрессия мэһэйдээбит буолуохтаах. Онтон 1975 с. поэт, тылбаасчыт Владимир Васильевич Державин).
  14. Милос Крно олоҥхону ханнык тылга тылбаастаабытай? (Словацкай тылга. 1984 с. Югославия5а, Братислава куоракка, П.А. Ойуунускай олоҥхотун.)
  15. П.А. Ойуунускай олоҥхото 1960 с. толору бэчээттэнэригэр сүппүт кэрчиги ким суруйан, толорон биэрбитий? (Кэлин кэрчик көстүбүтэ) (Күннүк Уурастыырап).
  16. П.А. Ойуунускай бу олоҥхоҕо олоҕуран ханнык драманы суруйбутай? (1928 с. “Туналҕаннаах ньуурдаах Туйаарыма Куо” диэн 3 оонньуулаах олоҥхо-драманы суруйар).
  17. П.А. Ойуунускай саха олоҥхотун туһунан ханнык научнай үлэни суруйбутай? (“Якутская сказка (олонхо), eё сюжет и содержание»).
  18. Бу олоҥхону Бүтүн Союзтааҕы «Мелодия» фирма5а ханнык артыыс ыллаан-туойан грампластинка5а уһултарбытай, хас сыллаахха? (Саха АССР народнай артыыһа Гавриил Гаврилович Колесов, 1970 c.)
  19.  Француз тылыгар ким олоҥхото тылбаастаммытай: К.Г. Оросин дуу, П.А. Ойуунускай дуу? Ким тылбаастаабытай. Хаһан? (К.Г. Оросин олоҥхото. Франция биллиилээх тылбаасчыта, лингвист-учуонай Жак Карро 1990 с.)
  20. П.А. Ойуунускай аата ЮНЕСКО халандаарыгар («Календарь знаменательных дат ЮНЕСКО») киирэн турар. Ол хаһан уонна суруйааччы хас сааһын туоларыгар этэй?(1993 с. П.А. Ойуунускай 100 сааһын туоларыгар).
  21. Дьулуруйар Ньургун Боотур”олоҥхону бу биһиги кэммитигэр эдэр талааннаах суруйааччы кэпсээн халыыбынан оҥорон бэчээттэттэ. Кини кимий?(Е.В. Слепцова-Куорсуннаах);
  22. П.А. Ойуунускай аата ЮНЕСКО халандаарыгар («Календарь знаменательных дат ЮНЕСКО») киирэн турар. Ол хаһан уонна суруйааччы хас сааһын туоларыгар этэй? (1993 с., П.А. Ойуунускай 100 саа7ын туолуутугар)
  23. П.А. Ойуунускай саха олоҥхотун туһунан ханнык научнай үлэни суруйбутай?(«Якутская сказка (олонхо), её сюжет и содержание»;
  24. «Дьулуруйар Ньургун Боотур» олоҥхону  Бүтүн Союзтааҕы «Мелодия»фирма5а ханнык артыыс ыллаан- туойан грампластинка5а уһултарбытай. Хаһан?(Саха АССР народнай артыы7а Гавриил Гаврилович Колесов, 1970 с.)
  25. «Дьулуруйар Ньургун Боотур» олоҥхону  француз тылынан ким тылбаастаабытай? (лингвист-учуонай Жак Карро 1990 с.)

Обновлено: 23.12.2021 — 05:22

Добавить комментарий

Ваш адрес email не будет опубликован.