Руфов Семен Титович
(1927)
Саха Республикатын народнай поэта уонна тылбаасчыта Семен Титович Руфов 1927 с. ахсынньы 5 күнүгэр МаҥаҥҥаҮөһээ Бүлүү улууһугар төрөөбүтэ.
Дьокуускайдааҕы культпросвет оскуола библиотечнай отделениетын, А.М. Горькай аатынан Литературнай институту бүтэрбитэ.
«Эдэр коммунист» хаһыакка, «Хотугу сулус» сурунаалга отдел сэбиэдиссэйинэн үлэлээбитэ.
1955 с. бэчээттэнэр. Хоһооннорун бастакы кинигэтэ «Кэл, олор, кэпсэтиэх» 1959 с. тахсыбыта. Уон хоһоон кинигэлээх, ону таһынан очеркалара, кэпсээннэрэ, ахтыылара, эсселэрэ, рецензиялара хас да кинигэнэн бэчээттэннилэр. Кини поэзията лирическай тосхоллоох, сырдык юмордаах. Ылланар ырыалардаах. Эпиграмма маастара. Дьээбэтэ-хообото «Дьээбэтинньик» (1998 с.), «Зыр-зыр» (2002 с.) кинигэлэригэр түмүллүбүт.
С. Руфов талааннаах тылбаасчыт. В. Шекспир сонеттарын, Ш. Руставели «Тигр таҥастаах бухатыыр» поэматын сахалыы саҥардыбытынан киэҥник биллэр. Кини тылбааска ситиһиилэрин «Сулустаах халлаан» (1998) кинигэтэ туоһулуур.
С.Т. Руфов уонна СР культуратын үтүөлээх үлэһитэ, Эрилик Эристиин аатынан, Казахстан «Алаш» литературнай бириэмийэлэрин лауреата.
1962 с. ССРС, 1991 с. СР Суруйааччыларын союһун чилиэнэ.
Кэлин сылларга ураты литературнай көрүүлэрин, ыстатыйаларын туспа кинигэҕэ чөкөттө.
«Аҕа дойдуну көмүскүүр Улуу сэрии 1941-1945 сс. Килбиэннээх үлэтин иһин» мэтээлинэн наҕараадаламмыта.
АЙЫМНЬЫЛАРА САХАЛЫЫ ТЫЛЫНАН
Уум кэлбэт сыллара. Хоһооннор.-Дьокуускай, 1961.
Кынаттаах табалар: Хоһооннор.-Дьокуускай, 1963.
Хаар маҥан ат: Хоһооннор.-Дьокуускай, 1970.
Куораттарга, тыаларга: Очеркалар.-Дьокуускай, 1976.
Ойуур ортотугар олоробун: Хоһооннор.-Дьокуускай, 1977.
Өссө хамса түһүөххэ: Хоһооннор.-Дьокуускай, 1987.
Литература эйгэтигэр: Дакылааттар, ыстатыйалар, рецензиялар, ахтыылар.-Дьокуускай, 2003.
АЙЫМНЬЫЛАРА НУЧЧАЛЫЫ ТЫЛЫНАН
Садись, поговорим: Стихи.-М.: Современник, 1977.
Лирические строфы: Стихи.- Якутск, 1980.