Сивцев Василий Тарасович
(1933)
Саха Республикатын народнай поэта Василий Тарасович Сивцев 1933 с. ахсынньы 22 күнүгэр Үөһээ Бүлүү Боотулу нэһилиэгэр төрөөбүтэ.
1950 сыллаахха Боотулу сэттэ кылаастаах оскуолатын, 1953 сыллаахха Дьокуускай куорат 2-с оскуолатын бүтэрэн, икки сыл производствоҕа үлэлээбитэ.
1959 сыллаахха Саха государственнай университетын саха салаатын үөрэнэн бүтэрбитэ уонна Саха сиринээҕи кинигэ издательствотыгар, Тылы, литератураны уоенна историяны чинчийэр институкка научнай сотруднигынан үлэлээбитэ, Хотугу арктическай улуустарга – Дьааҥыга, Булуҥҥа, Абыйга учууталлаабыта.
Дьокуускайга культура министерствотыгар театральнай самодеятельность ыстаарсай методиһынан, «Кыым» хаһыавт культураҕа отделыгар уонна Саха Рес пу3бликатын суруйааччыларын Союһун бырабылыанньатын эппиэттиир сэкэрэтээринэн үлэлээбитэ.
Саха Республикатын Президенин грамататынан, «Аҕа дойду улуу сэриитигэр 1941-1945 сс. Килбиэннээх үлэтин иһин» мэтээлинэн, үбүлүөйдээх сылларга Улуу Кыайыы мэтээллэринэн наҕараадаламмыта. СР уонна РФ культуратын үтүөлээх үлэһитэ, Үөһээ Бүлүү улууһун уонна Боотулу нэһилиэгин бочуоттаах олохтооҕо.
Биллэр тылбаасчыт, суруйааччылар тустарынан тэттик ыстатыйалар аапьардара. Саха поэзиятыгар сонет жанрын сайыннарда.
Хоһоонноро доҕордоһууну уонна киһи ис иэйиитин көрдөрүүгэ туһуланар. Кини сүүстэн тахса сонеттары суруйбута.
В. Сивцев тылбаасчыт уонна критик быһыытынан эмиэ биллэр.
АЙЫМНЬЫЛАРА САХАЛЫЫ ТЫЛЫНАН
Үрүҥ былыт: Хоһооннор.-Дьокуускай, 1961.
Үрүйэ тааһа: Хоһооннор.-Дьокуускай, 1974.
Үөрүү: Хоһооннор.-Дьокуускай, 1984.
Сири истэбин: Хоһооннор, поэма.-Дьокуускай, 1988.
Ааттал: Хоһооннор, поэмалар.-Дьокуускай, 1993.
Күрүлгэн: Сонеттар.-Дьокуускай, 2000.
Күнүм киэһэрэн эрдэҕинэ. Хоһооннор-Дьокуускай, 2005.
Күһүн: Хоһооннор.-Дьокуускай, 2009.
Олоҕум дьиктилэрэ: Ыстатыйалар, эсселар.-Дьокуускай, 2011.
Төрүт дорҕоон: Сонеттар.-Дьокуускай, 2013.
Үйэм уһуур кэмигэр: Хоһооннор, сонеттар, поэма.-Дьокуускай, 2014.
АЙЫМНЬЫЛАРА НУЧЧАЛЫЫ ТЫЛЫНАН
Нежная, как первый снег.-сб. «Уроки мужества», Якутск, 1984.
Я радуюсь жизни: Очерк о В.М. Матвееве, руководителе клуба «Прозрение». 1995.
Касанье солнца: Стихи.-Якутск, 2004.