БИҺИК ЫРЫАТА
Александр Николаев
Ый, куйа5а кылбайан,
Харабыллыы та5ыста,
О5ом, эн да, чуумпуран,
Утуйаргар уолдьаста.
Сылаас ньээкэ биһиккэр
Сытан сынньан, биэбэккэм!
Убай, эдьиий дьонноруң
Уруок аа5ан бүттүлэр;
Санаа сайдар оонньуутун
Саахыматтаан эрэллэр.
Сылаас ньээккэ биһиккэр
Сытан сынньан, биэбэккэм!
О5ом, эн да ирээккин
Оскуола5а сылдьыа5ың!
Ол кэм кэлиэр диэритин
Оонньоо, улаат, чыычаа5ым!
Сылаас ньээкэ биһиккэр
Сытан сынньан, биэбэккэм!
// Аа5ар кинигэ: тѳрѳппүт о5отугар аа5арыгар: [үс чаастаах] /хомуйан оңордулар: Л.В. Аргунова, С.М. Захарова.-Дьокуускай: Айар,-С. 114