ЭРИЭППЭ. (Нуучча остуоруйата)
Тѳрѳппүт оҕотугар ааҕарыгар
Арай биирдэ оҕонньор эриэппэ олордубут. Онто улахан да улахан буола үүммүт. Оҕонньор эриэппэтин хостоору тарпыт да тарпыт – кыайан тура тарпатах.
Оҕонньор эмээхсинин ыҥырбыт. Эмээхсин оҕонньортон, оҕонньор эриэппэттэн ылан баран тарпыттар да тарпыттар – кыайан туура тарпатахтар.
Эмээхсин сиэнин ыҥырбыт. Сиэн эмээхсинтэн, эмээхсин оҕонньортон, оҕонньор эриэппэттэн ылан баран тарпыттар да тарпыттар – кыайан туура тарпатахтар.
Сиэн ытын ыҥырбыт. Ыт сиэнтэн, сиэн эмээхсинтэн, эмээхсин оҕонньортон, оҕонньор эриэппэттэн ылан баран тарпыттар да тарпыттар – кыайан туура тарпатахтар.
Ыт куосканы ыҥырбыт. Куоска ыттан, ыт сиэнтэн, сиэн эмээхсинтэн, эмээхсин оҕонньортон, оҕонньор эриэппэттэн ылан баран тарпыттар да тарпыттар – кыайан туура тарпатахтар.
Куоска кутуйаҕы ыҥырбыт. Кутуйах куоскаттан, куоска ыттан, ыт сиэнтэн, сиэн эмээхсинтэн, эмээхсин оҕонньортон, оҕонньор эриэппэттэн ылан баран тарпыттар да тарпыттар – дьэ туура тардан ылбыттар!
Тутуллубут литература:
// Кэскил: Сборник для детей дошкольного возраста /Составители: А.А. Егорова, М.П. Захарова.-2-е изд., дополненное, переработанное.-Дьокуускай:Бичик, 2002.-С.4