Мигалкин Иван Васильевич  

Мигалкин Иван Васильевич  

(1954 г.р.)

Саха Республикатын народнай поэта Иван Васильевич Мигалкин   1954 с. бэс ыйын 23 күнүгэр Уус Алдан улууһун Хоро нэһилиэгэр төрөөбүтэ.

Бүлүүтээҕи педагогическай училищены уонна Москваҕа А.М. Горькай аатынан литературнай институту бүтэрбитэ.

Кини түөрт уонча поэзия, проза, оҕо кинигэлэрин уонна остуоруйаларын ааптара. Иван Мигалкин айымньылара нууччалыы, украинскайдыы, туркменныы, башкирдыы тылбаастаммыттара. Ашхабадка ыытыллыбыт VIII Бүтүн Союзтааҕы  бырааттыы республикалар поэттарын фестивалын, овстугаҕа ыытыллыбыт Тютчев аа5ыыларын, Москваҕа ыытыллыбыт Пушкин поэзиятын бырааһынньыгын кыттыылааҕа. Нууччалыыттан тылбаастыыр.

Критиктэр билинэллэринэн, Иван Мигалкин поэт быһыытынан саха билиҥҥи поэзиятыгар саҥаны, сибиэһэй тыны киллэрбитэ. Ол курдук төрөөбүт тылын баайын уонна имигэһин арҕааҥҥы уонна илиҥҥи куормаларга сатаан кутар дьоҕурдаах.

«Хараҕым уутун тыал куурдар» кэнники кинигэтэ быраатыгар, саха сирин биллиилээх общественнай уонна государственнай деятелигэр, Тас дьыалаларга республика министригэр, сахалартан Россия генеральнай консулугар Александр Васильевич Мигалкиҥҥа анаммыт.

Иван Мигалкин айар үлэтигэр оҕолорго кинигэлэрэ уһулуччу миэстэни ылаллар.

Поэт бодоруспут уонна доҕордоспут саха бөдөҥ уонна классик суруйааччыларын тустарынан «Сүрэх сылаас иэйиитинэн», «Күн тамаҕын ыһыспыт дьылҕалар» диэн истиҥҥик суруллубут кинигэлэрдээх. Общественнай деятель. В.А. Протодьяконов-Кулантай музей-комплексын төрүттээбитэ.

Билигин СР Суруйааччыларын союһун исполкомун бэрэссэдээтэлэ.

Публицист быһыытынан эмиэ биллэр.

И.В. Мигалкин –СР культуратын үтүөлээх үлэһитэ, үөрэҕириитин, бэчээтин уонна культуратын туйгуна. «Нуучча культуратын уонна литературатын үгэстэригэр бэриниилээҕин иһин», Есенин, Л.Н. Гумилев үрүҥ көмүс мэтээллэринэн наҕараадаламмыта. Н.Е. Мординов- Амма Аччыгыйын аатынан оҕолорго аналлаах айымньыларга бириэмийэ бастакы лауреата. Уус Алдан уонна Үөһээ Бүлүү улуустарын бочуоттаах олохтооҕо.

АЙЫМНЬЫЛАРА САХАЛЫЫ ТЫЛЫНАН

Ньургуһуннаах сурук: Хоһооннор.-Дьокуускай, 1976.

Сардааналаах кыысчаан: Кэпсээннэр.-Дьокуускай, 1985.

Сүрэҕим кистэлэ: Хоһооннор.-Дьокуускай, 1992.

Тапталы, олоҕу туойабын: Хоһооннор.-Дьокуускай, 1994.

«Куобах түүтэ» ньургуһуннар: Кэпсээннэр.-Дьокуускай, 1995.

Оһуор ойуу оҥоойук: Оҕолорго хоһооннор.-Дьокуускай, 1995.

Күн тамаҕын ыһыспыт дьылҕалар: Ахтыылар.-Дьокуускай, 2000.

Аҕам оттубут оһоҕун сылааһыгар: Хоһооннор.-Дьокуускай, 2000.

АЙЫМНЬЫЛАРА НУЧЧАЛЫЫ ТЫЛЫНАН

Стремленье.— в сб. «Уроки мужества»,-Якутск, 1984.

Делю радость со всеми: Стихи. -Якутск, 2013.

Ветер сушит слёзы: Стихи. -Якутск, 2014.

Обновлено: 04.05.2023 — 06:02

Добавить комментарий

Ваш адрес email не будет опубликован.