Назад
Харлампьева Наталья Ивановна
(1952 г.р.)
Саха Республикатын народнай поэта Наталья Ивановна Харлампьева 1952 с. балаҕан ыйын 1 күнүгэр Маҥаҥҥа төрөөбүтэ.
СГУ-тын кэтэхтэн үөрэнэн бүтэрбитэ. Үлэтин Маҥан авиапордугар таһаҕаһы таһыы сулууспатыттан саҕалаабыта. «Северная трасса» аһыакка, ССКП обкомар бэчээт секторын инструкторынан Кэбээйигэ райком сэкирэтээринэн, «Кыым» хаһыакка культура отделын сэбиэдиссэйинэн, Саха сиринээҕи кинигэ издательствотын кылаабынай редакторынан «Саха сирэ» хаһыат кылаабынай редакторынан, «Далбар Хотун» сурунаал кылаабынай редакторынан үлэлээбитэ. Билигин СР Ил Дарханын сүбэһитэ уонна Саха сирин Суруйааччыларын союһун бырабылыанньатын бэрэссэдээтэлэ.
1975 с. бэчээттэнэр. Бастакы кинигэтэ «Аэроплан» 1976 с. бэчээттэммитэ. Урнча поэтическай, биир кэпсээн, эссе, ыстатыйалар кинигэлэрин ааптардара. Кини интимнэй уонна гражданскай лиирикэҕэ күүстээх. Саха поэзиятыгар кыра поэмалары биэрбитэ. Сорох хоһоонноро ырыа буолан ылланаллар.
Айар үлэтинэн 2003 с. тахсыбыт икки туомнаах талыллыбыт айымньылара буолаллар.
Н.И. Харлампьева Саха комсомолун уонна Казахстан «Алаш» литературнай, Россия Улахан литературнай, А.Т. Твардовскай аатынан бириэмийэлэр лауреаттара. Хоһоонноро нууччалыы, казахтыы, татардыы, украинскайдыы тылбаастаммыттара.
Н. Харлампьева 1988 с. ССРС Суруйааччыларын союһун чилиэнэ. Россия Суруйааччыларын союһун бырабылыанньатын сэкирэтээрэ.
АЙЫМНЬЫЛАРА САХАЛЫЫ ТЫЛЫНАН
Талыллыбыт айымньылар. 2 туомнаах.-Дьокуускай, 2003.
Дьол сибикитэ: Хоһооннор.-Дьокуускай, 1981.
Кыһыл ньургуһун: Хоһооннор, поэмалар.-Дьокуускай, 1986.
Дьэҥкир киэһэ: Хоһооннор, поэмалар.-Дьокуускай, 1990.
Атырдьах ыйа: Хоһооннор.-Дьокуускай, 1994.
Дьол кымыһа: Хоһооннор.-Дьокуускай, 1999.
Дьэҥкир сурук: Кэпсээннэр.-Дьокуускай, 2001.
Үс хоһоон: Хоһооннор.-Дьокуускай, 2002.
Түүр омук үлтүркэйэбин: Хоһооннор.-Дьокуускай, 2012.
Ыһыах кэннэ: Хоһооннор.-Дьокуускай, 2013
АЙЫМНЬЫЛАРА НУЧЧАЛЫЫ ТЫЛЫНАН
Ночной полет: Стихи.-М.: Мол. гвардия, 1980.
Красный подснежник: Стихотворения.-М.: Современник, 1988.
Кумыс счастья: Стихи, изд-во «Фонд им. Сытина», 2004.
Признание в любви: Статьи, Якутск, 2012.