ДИИГИНИИР “МЭЭЧИК”
Суорун Омоллоон
Маайыс кыыс биирдэ ынах хомуйа барбыта. Кини арй тиит мутугар мээчик курдук ыйанан турарын кѳрбүт.
-Оо, бэрт да мээчик!-диэбит кыыс. Уонна Маайыс, тѳңүргэс үрдүгэр ыттан, илиитинэн харбаан кѳрбүт. Арай “мээчигэ” диигинии түспүт. Инньэ гыммыт да, күүгүнүү- күүгүнүү эриэн тигээччилэр бѳ5ѳлѳр тахсан кэлбиттэр.
-Тыый, тигээйилэр!-диэт, Маайыс сүүрбүт. Тигээйилэр Маайыһы эккирэппиттэр! Биир “зии-и-и” дии-дии эккирэтэн кэлэн,кэтэххэ тыкпыт. Иккис “зии-и-и” дии-дии сүүскэ тикпит. Yһүс “зии-и-и” дии-дии муннуга тикпит.
Маайыска дьэ абытай буолбут. Кини ытаабыт. Ынахтарын хомуйбакка дьиэтигэр тѳннѳн кэлбит.
-Хайа ынахтарың?-диэн эбэтэ ыйыппыт. Маайыс эбэтигэр туохха түбэспитин кэпсээбит. Эбэтэ киниэхэ эппит:
-Хор, аны билбэт суолгун тыыппат буол,-диэбит.
Маайыһы эбэтэ ынах хомуйтара иккиһин ыыппыт. Маайыс баран ынахтарын үчүгэйдик хомуйан кэлбит.
Кини аны, билбэт суолун тыыппакка эрэ, дьонуттан ыйытар буолбут.
//Кэскил.-С. 22