СИБЭККИ
П. Аввакумов
Туйаара хонууга дьаарбайа сылдьар. Айа5а хам буолбат. Тугу кэрэхсии кѳрбүтүн барытын саңаран бэлиэтиир.
-Кѳрүүй, бу туох эрэ үѳн хааман иһэр. Кѳхсѳ хара эбирдээх. Бу ханна баран иһэрэ эбитэ буолла?
Кини ити сэңээриилээх ыйытыыларыгар хаһын ситэн хардарыаң баарай?!
От-мас, үѳн-кѳйүүр, кѳтѳр-сүүрэр барыта киниэхэ сонун, күндү, барыта дьикти.
-Чээн, үчүгэй да сибэкки барахсан турар! Маны быһа тардан ылар сатаммат. Кууран-хатан ѳлѳн халыа5а дии. Чэ үүнэн турдун,- диэн баран, Туйаара күп-күѳх сибэккини ытыһынан аргыый имэрийэн ылла.
Хонууга сибэкки арааһа элбэх да эбит! Туйаара барыларын кэрэхсии, умсугуйа, таптыы кѳрѳр. Биири да быһа тардан ылбат. Бу кэрэ бэйэлээхтэр сир-дойду киэргэл симэхтэрэ буолан туралларыгар үѳрэр, кинилэри харыстыыр.
//Кэскил.-С.23