НИКОЛАЙ ИВАНОВИЧ СТЕПАНОВ — НООРОЙ
(1897-1975)
Норуот ырыаһыта, олоҥхоһут Николай Иванович Мэҥэ Хаҥалас улууhун Хара нэhилиэгэр дьадаҥы бааhынай дьиэ кэргэнигэр төрөөбүтэ. Ворошилов аатынан колхозка тимир yyha, 1937 сылтан стахановец. 1935 сыллаахха олоҥхо куруһуогун тэрийбитэ уонна республика хас да оройуонугар, Дьокуускайга Саха драмтеатрыгар «0ҕо улуу Ньургун», «Алаатыйар ала туйгун» диэн олоҥхолору туруорар, бэйэтэ сүрүн оруолларга оонньообута. Кини Саха сиригэр олоҥхону киэҥник тарҕаппыт бастакы киhинэн буолар. 1939 сылтан ССРС Суруйааччыларын
союhун чилиэнэ.
Н.И. Степанов Кыhыл Армияҕа 44 саастааҕар 42 сылга ыҥырыллан сэриигэ барбыта. Дьокуускайтан Өлүөнэ өpүhү өксөйөн Киров борохуотунан ый кэриҥэ устубуттара. Молотов куораттан Уралга, Свердловскайга илдьэллэр, онно илии пулеметчигын идэтин баһылыыр. Пулеметунан бэргэнник ытарга, таба туһанарга ситиһиилээхтик үөрэммитэ.
1942 сыл сэтинньи ыйтан Н.И. Степанов өстөөхтөрү кытта харысхала суох хорсуннук сэриилэспитэ. Онно биир кыргыһыыга өстөөх буулдьата уҥа өттүнэн
көхсүн хараҕынан дьөлө көтөн тахсан ыараханнык бааhырбыта. Хас да ый эмтэнэн баран, инбэлииккэ таhаарыллан, 1943 сыл сайыныгар дойдутугар
эргиллэн кэлбитэ. Сотору колхоз бэрэссэдээтэлин солбуйааччынан, кэлин cүөhү ферматын сэбиэдиссэйинэн, ону сэргэ араас общественнай үлэлэргэ күүһүн-уоҕун барытын биэрэн үлэлээбитэ. Олоҥхолорун сөргүтэн, ыллыыр-туойар дьону түмэн, өссө сэрии сылларын баттаhа спектакллары туруорбута. Элбэх сахалыы ырыалары-тойуктары айбыта, үhүйээннэри-номохтору суруйтарбыта, Олор 6 кинигэлэргэ түмүллэн таhаарыллыбыттара. Кини 1975 сыл тохсунньу 6 күнүгэр өлбүтэ.
Николай Степанов –Ноорой Улуу партия тула түмсүөҕүҥ! //Хотугу сулус .-1975.-№5.-С.50
Степанов Николай Иванович-Ноорой Улуу партия тула түмсүөҕүҥ. Герой Попов туһунан тойук . Хоһооннор //Кыайыы: Саха фронтовик суруйааччыларын хоьоонноро, кэпсээннэрэ /В.С. Артемьев уруьуйа.-Якутскай: Кинигэ изд-вота, 1985.- С.78-81.
Николай Степанов –Ноорой //А.А. Николаев-Сиэн Чохчо Үйэлэри уҥуордуур сырдык мөссүөннэр.-Дьокуускай: Дани-Алмас, 2015.- С.43
Николай Степанов –Ноорой //А.А. Николаев-Сиэн Чохчо Үйэлэри уҥуордуур сырдык мөссүөннэр.-Дьокуускай: Дани-Алмас, 2015.- С.43
