Бырааттыы Гримнэр
Биир ийэ Хоһуол олорбута эбитэ үһү.
Бу Хоһуол сэттэ о5олоох эбит. Кини сэттэ о5отун сэттиэннэрин, ийэ о5олорун таптыырын курдук, таптыыр эбит.
Арай биирдэ Хоһуол ас була тыа5а тахсаары оңостор. Сэттэ о5отун сэттиэннэрин ыңыран ылар уонна этэр:
О5окколоруом, мин тыа5а тахсабын, эһиги бэйэ5ит хаалың. Дьиэ5итигэр олоруң, ханна да тахсымаң, сэрэниң, Бѳрѳ сиэтэлиэ5э. Бѳрѳнү дьиэ5итигэр киллэрдэргит эрэ, барыгытын ордорбокко сиэтэлээн кэбиһиэ5э. Бѳрѳ албын, кини сорох ардыгар бѳрѳттѳн атын буола сатааччы.
Онуоха о5олоро этэллэр:
Ийэкээ, чэ бар, куттаныма. Бѳрѳнү биһиги киллэриэхпит суо5а. Хоһуол о5олорун кытта быраһаайдаста, тыа5а та5ыста.
Хоһуол о5олоро бэйэлэрэ эрэ хааллылар. Сырсан, ѳрүтэ бырдаңалаһан, кѳр бѳ5ѳнү кѳрүлээтилэр. Ол сылдьан иһиттэхтэринэ ааны тоңсуйар тыас иһилиннэ.
-Ким кэллэ?-диэн хоһуол о5олоро ыйыттылар.
Арай таһырдьа ким эрэ саңата:
-О5окколоруом, аһың. Мин ийэ5ит кэллим, кэһиибин а5аллым. Ааны аһан биэрдилэр – Бѳрѳ дьиэ5э кѳтѳн түстэ. Кини остуол анныгар киирбити, таңаска сѳрѳммүтү, оһоххо саспыты, куукуна5а куоппуту, ыскаапка симиллибити, хорууда анныгар хор5ойбуту була-була, аңар кырыытыттан ыйыстан истэ. Арай сэттистэрин, саамай кыраларын, истиэнэ чаһытын хаатыгар саспыты Бѳрѳ кыайан булбата.
Бѳрѳ хоһуол алта о5отун тыыннаахтыы ыйыстаталаан баран, хонууга киирдэ. Онно киирэн, улахан дууп анныгарсытан утуйан хаалла.
Сотору со5ус буолан баран, ийэ Хоһуол тыаттан дьиэтигэр киирэн кэлэр.
Кини о5олорун кѳрдѳѳтѳ-булбата. Ыңыра сатаата-ким да5аны саңарбата. Арай уһугар тиийэн истиэнэ чаһытын аттыгар кэлэн истибитэ-саамай кыра о5отун саңата иһиллэр:
-Ийэкээм, мин манна истиэнэ чаһытын хаатыгар саһан сытабын!-диир.
Ийэ Хоһуол чаһы хаатын хаппа5ын аһа баттаата. Били саамай кыра о5ото ыстанан та5ыста уонна ийэтигэр кини суо5уна туох буолбутун барытын кэпсээтэ.
Ийэ Хоһуол о5олорун аһыйан ытаата.
Кинилэр хонууга киирдилэр. Кѳрбүттэрэ: улахан дууп мас анныгар Бѳрѳ утуйа сытар эбит. Муннун тыаһа хап-хаһыңырас, хас хаһыңыраата5ын аайы дууп мас лабаалара хамсыырга дылы гыналлар.
Ийэ Хоһуол, оргууй а5ай эргийэн, Бѳрѳнү иһиллээтэ.
-Тохтоо, тыаһаама!-диэтэ о5отугар.- Бѳрѳ иһигэр туох эрэ хамсыыр уонна саңарар. Арааһа, мин о5олорум буолуохтара. Иңсэтэ диэн дэлэ дуо, бука тыыннаахтыы ыйыстыталаабыта буолуо.
Инньэ гынан баран, били о5отун кыптыый, иннэ, сап а5алтара дьиэтигэр ыытта. О5ото баран ийэтигэр кыптыый, иннэ, сап а5алла.
Ийэ Хоһуол Бѳрѳ иһин хайытта. Иһин хайытарын кытта, алта о5ото алтыан утуу-субуу ыстанан та5ыстылар.
-Баран тѳһѳ кыайаргытынан тааста хомуйан а5ала охсуң. Түѳкүн утуйа сытта5ына иһигэр тааһы симиэхпит.
Хоһуол сэттэ о5ото таас хомуйан а5аланнар, Бѳрѳ иһигэр тааһы симнилэр. Кырдьа5ас Хоһуол хап-сабар Бѳрѳ иһигэр тааһы симнилэр. Кырдьа5ас Хоһуол хап-сабар Бѳрѳ иһин тигэ охсон кэбистэ.
Бѳрѳ уута ханан уһугунна. Уу иһиэн ба5арда. Уулуу үрэххэ киирдэ. Ыарахан ба5айытык хаамар буолбут. Иһигэр таастар үңкүрүһэллэр. УУну иһээри тѳңкѳйбүтүгэр таастара кинини умсары баттаатылар. Түѳкүн Бѳрѳ ууга тѳбѳтүнэн түстэ, тимирэн хаалла.
//Кэскил.-С. 12-13.