АТЛАСОВА ЛАРИСА ПЕТРОВНА
Атласова Лариса Петровна1967 сыллаахха балаҕан ыйын 7 күнүгэр Хаҥалас улууһун Булгунньахтаах нэһилиэгэр күн сирин көрбүтэ. Билигин Өктөмҥө олорор. Биэс оҕолоох. Уулаах-Аан нэһилиэгин «Кэскил» уһуйааныгар сэбиэдиссэйинэн үлэлиир. Ол иннинэ 1984-2017 сс. Өктөмнөөҕү «Туллукчаан» уһуйааҥҥа үлэлээбитэ. 2005 с. саха тылын уонна литературатын учууталын үөрэҕин кэтэхтэн үөрэнэн бүтэрбитэ. Ол кэннэ идэтин уларытан, уһуйаан иитээччитэ, менеджмент үөрэхтэрин бүтэрбитэ.Кэлин магистратураҕа сахалыы-нууччалыы, нууччалыы-сахалыы тылбаас салаатын кыһыл дьупулуомунан бүтэрбитэ. Өктөмнөөҕү «Күбэйэ» дьахтар түмсүүтүгэр сылдьар, народнай тыйаатыр артыыһа, олохтоох дьаһалта дьокутаата. «Үлэ бэтэрээнэ», «Саха өрөспүүбүлүкэтин үөрэҕириитин туйгуна», «Өктөм нэһилиэгин социальнай-экономическай сайдыытыгар кылаатын иһин» анал ааттарынан бэлиэтэммитэ. Хоһоону оскуолаҕа үөрэнэ сылдьан кыраллан суруйара, салгыы сайыннарбатах. Кэлин үлэтигэр оҕолорго аналлаах хоһооннору суруйар, тылбаастыыр буолбута. Билигин айылҕа туһунан хоһооннору ордук сөбүлээн суруйар, тылбааска холонор.
Айымньылара:
- Иэйиибин хоһооммор тиһэбин [хоһооннор].-.-Дьокуускай, 2021.-52 с.
- Күннүүн тэҥҥэ күлүөххэ [хоһооннор].-Дьокуускай, 2022.-37 с.
- Көҥүлгэ көтүппүт тылларым [хоһооннор].-Дьокуускай, 2022.-37 с.
- Абылаҥ алыптаах аартыгар / Л. П. Атласова. — Дьокуускай, 2021. — 88 с.
- Кинигэҕэ Лариса Петровна Атласова атын ааптардар нарын иэйиилээх тапталы, айылҕаны хоһуйбут, төрөөбүт дойдуларын, олох кэрэтин туһунан хоһооннорун сахалыыттан нууччалыы, нууччалыыттан сахалыы тылбаастаабыта киирдилэр. Ааҕааччы киэҥ араҥатыгар ананар.