МУШНИКОВА МАРИЯ ТИХОНОВНА (1931 г.р.)
1931 сыллаахха I Дьөппөн нэһилиэгэр төрөөбүтэ. 1953 сыллаахха Дьэр нэһилиэгэр көһөн кэлэн Карл Маркс аатынан холкуоска учуотчугунан үлэтин саҕалаабыта. 1954 сыллаахха кураан, сут сыл буолан, Чурапчыга сүөһүлэрин илдьэ тиийэн, кыстаан кэлбиттэрэ.1956 сыллаахха кэргэнинээн 80-ча сүөһүлээх Малтааны тыатыгар кыстаан киирбиттэрэ. Онтон ыла эҥкилэ суох холкуоска, онтон «Өктөм» сопхуоска 1982 сыллаахха биэнсийэҕэ тахсыар диэри биир үлэҕэ үүт учуотчугунан, арыыһытынан үтүө суобастаахтык үлэлээбитэ. 1960 сыллаахха «Куудук» фермата республикаҕа ыҥырыы таһааран, чиэстээхтик толорбут кэмнэригэр учуотчугунан үлэлээн, Саха АССР Үрдүкү Сэбиэтин Бочуотунай грамотатынан наҕараадаламмыта, «Коммунистическай үлэ ударнига» үрдүк аатын ылбыта
ИСТОЧНИК
1.Дьэр нэһилиэгэ /[хомуйан оҥордулар: В,Н. Спиридонов уо.д.а.] — Якутск : Медиа-Холдинг «Якутия», 2016. — С. 284.